25 October 2013

日本大阪京都 2012-11-21to12-01 - Part.08(28Nov)

日本大阪京都

28 Nov 2012 Wed 京都 Sunny day

一早6點幾係民宿食麵包早餐就羅行李去放低就出發去嵐山嵯峨野買小火車票,9點去到嵯峨嵐山站,買到第三班既第五卡,係無窗既,非常好,因時間係十點,所以就行左去渡月橋睇下,時間早既關係,人唔算多,如果有多d時間,慢慢下行都幾唔錯番到車站搭小火車,見到我地果班已經無晒,而且後面幾架都得企位,好彩早黎,而且陽光咁好,當然最好避開中午既太陽就更好啦

小火車速度比想像中快,而且開揚既關係,雖然影相方便d但亦相對黎講凍,如果佢慢少少可以睇清楚d就好了,火車下面既一邊係河景,有人坐船仔,聽講要兩個鐘,咁凍咪攪我,去到中途係橋中會停低比人影相,但又好快開車,好趕咁喎

番到去總站落車(後尾先知原來前一個站落車會比較近竹林),我地唔知當然要自己行啦,首先行天龍寺同埋竹林,係天龍寺度有個雲龍圖既展覽,開頭覺得要比幾百yen入去好唔值(其實都無人睇飛,唔買都得既),原來幅圖好得意,咩角度都係望住你,而且好惡咁,最後我訓係地睇,感覺到佢壓落黎咁,人地呢可能覺得異相,但我地樂在其中玩左半個鐘先走人,之後睇左個本堂同庭園,本堂同庭園望既野一樣,只係高左一層睇,嗯

睇左影左一段時間就去左番渡月橋睇野同係對岸買野,山入面既楓葉有部份變左成,唔太算太多但亦唔少,可惜係有煙霞,唔多清,anyway,用左一個鐘左右就出發去竹林,唔知係我地既起步點既問題定係人太多,都唔多算係竹林,無想像中咁密咁,本來仲想去化野念佛寺睇石佛像,但路程比較遠而且時間不多,放棄了,唔知係影相太耐車程太轉接定係早天黑,時間好唔夠用,完全無去旅行既hea感,好倦

番完京都羅野再番大阪,羅住行李行左一段路,加上早起而且頻撲,出去食飯時都爭d倦死了

因天氣冷既關係,食左個窩,都幾唔錯,但有d好肥膩既野,係鄉間野食,但我又唔記得係咩,好似腸既東西,太肥,我頂唔順,其他既都幾好食,係個明太子咸死人,嗯

To Part.09 - 和歌山白濱

[21/11/12 to 01/12/12]
Photo Link <<<<<<<<<

No comments: