15 October 2013

賽馬會鯉魚門創意館-打醮文化概述

貳零壹年拾壹月拾日-賽馬會鯉魚門創意館-打醮文化概述

參加左鯉魚門創意館既打醮文化概述,主講既係周樹佳,之前盂蘭一直見唔到佢,咁岩見佢主講而且打醮我都好有興趣,所以就join左,講得好詳細,對依方面有興趣既我覺得真係要認識下香港既打醮,對了解風俗黎講係一個好好既學習地方

基本上同盂蘭唔同,但好多人熟悉既太平清礁就係香港其中一種醮,當然長洲只係其中一個

打醮大約有4日左右,多係係蜑家,圍頭同鶴佬為主,以道教為主,香港以正一為多(七成)而全真亦有三成(外觀黎講全真既帽有玉而正一係無既),根據博雅(古時字典)所記載,提到醮(祭)多為道教,而當中既羅天大醮係最大型既,當中會請三千六佰個神來參與,07年香港曾經做過一次,集中港澳一齊做,基本上咁大既醮多為皇室而做,而民間既醮,最多只會請幾百個神參與
講到民間既醮期,多數係村落既習慣而做,多為5年,10年甚至多既會有30年又或者60年一次(大網仔&廖氏60年一次),但都有例外,例如坑頭村15年一次,高流灣7年一次,要咁多年先做除左一直留存既習慣亦因所要既錢要數以百萬計,所以醮唔會好似盂蘭咁一年一次咁做,而清礁亦無附薦台但有一個叫萬人聯既東西,會寫晒所有村民既名,會係醮場見到好長好長既人名表

而清礁有分為太平清礁(主要為求太平,當然會有時順道祈福,酬神以及慶賀神誕),而洪文清礁係比較小型,只做一晚,會有燒衣而夜晚6點至11點會做晒請神,三清同埋遊大士以及送神,而且有張大表但對於太平清礁做3-4日係會小型得多,而仲有個叫安龍清礁,其實都係同太平清礁差唔多,但就多左個安龍儀式,主要係客家人做既

而長洲既太平清礁,因見包山所以係鶴佬而非本地村民有遊大士既習俗,所以長洲既太平清礁嚴格黎講並非純香港習俗,而太平清礁有種叫水面礁既打礁,係以佛家儀式所做,全港只有香港仔漁民做,雖然比較少見同特別,但每年都會做既

講番儀式,之前講過打醮以正一佔多,但其實都有分市區同圍頭既唔同人,簡單既多數係市區打齋,而正一圍頭喃嘸所做既繁複得多,會做上樑又或者打醮,同圍頭醮同市區打醮都有分別,市區可能只用15分鐘做整理衣飾但圍頭既可能要一個鐘,所以有繁同簡既分別,圍頭既會比較正式而專門得多,而市區既打醮香港亦唔多,例如10年一次既衙前圍七約就由7日變左得番1日,下次係2016年,希望有機會睇到所剩無多既市區打醮

講番香港比較多而且出名既太平清醮(正一)流程,真係幾多step,難怪要做4日

1) 打緣首(大約有3-60個,會係年頭選出黎,以求神問杯方式選出,每度地方既要求有唔同,以廈村鄉太平清醮最大型,問杯選緣首要十勝一寶先得,基本上任何村民如果係男性都可以問杯,但分分鐘要問幾日幾夜先可以搵到緣首出黎,緣首係代表全村求神既人,好有光榮感)

2) 擇日(以緣首既八字再挑日子)

3) 上表(會上2-3次,向天地水陽四界等等求打醮日好天唔好落雨)

4) 取水(多以溪水井水為主,取水後會加淨水符入龍缸用黎洗法壇)

5) 豎幡(三至三十支不等,會斬竹黎做幡干下面放有幡亭,有幡神住在內,每日三次行醮時會做送飯儀式)

6) 迎神(請村內各路神靈鑒照整個醮會,亦即係請佢地黎睇大戲,多數係神像又或者紅紙而天后就由女人請黎鑒照)

7) 啟壇(即發文書)

1-7為打醮前期工作

8) 開壇(請天師到壇)

9) 禁壇打武(分火蓆/火流星/火盆用黎趕其他精靈走,召天兵神將即大羅天到來保護醮會)

10) 分燈進燭(開支散葉人丁興旺之意)

11) 啟榜(寫有全村人名以求保祐,亦即龍虎榜,某d地方有攬榜公之位,由全村最有福氣之人做,但後來因怕福氣分晒比人,所以亦少左依樣野,流程首先會係由攬榜公攬榜,然後叫先生吟榜即讀晒所有人名,再有洒靜以照榜等等動作,流程多以村民習慣而有所分別)

12) 祭小幽(比較小型,會有分衣施食但無超度作用,其實只係同請神食tea既作用一樣)

13) 迎聖(由南天門而出用白布做銀河,只會為請5-7個大神而做,會有米,花,酒,燒衣,仲有講鬼古等等)

14) 禮斗(祈福之意)

15) 行鄉(不屬宗教活動,非必定要做,會由村民到附近各村拜會遊行)

9-15為正式開始進入太平清醮

16) 放生,放水燈,走赦書(放水燈即有水路而走,走赦書帶五色馬走圈,用以祁求玉皇大帝赦免罪業以及各天地水三界行善)

17) 祭大幽(分衣施食,超渡,儀式時前面放有幽帳,同盂蘭既坐蓮花一樣)

18) 送神化榜(多為打醮後第二日早上做,送大神送龍虎榜等等)

19) 行符扒船(用馬,紙船以及鴨到各家各戶,強餵隻鴨飲餿水兜既水用意吸走唔好既野再放出海)

20) 送神

16-20為後期工作,多數係打醮最後一日做既

21) 過關(蜑家人為多,會有轉運錢,護水符,經先生開光既虎頭關等等,首先由過關大將軍同喃嘸師父對話,之後村民就開始過關,之後有問杯以及放一支香,會過5關才完成)

其實過程真係非常覆習而且吸引,但某d村落唔比女人睇,亦有某些唔比人影相等等,香港既打醮多數係入秋後先做,希望會好似盂蘭咁有機會睇多d咁特別既傳統文化

p.s.以筆錄為主,流程如有錯漏請多多包涵

[11/11/12]
Photo Link

No comments: