12 October 2013

台南市,台北,新竹_內灣 2012-10-14to19 - Part.06-下 (19Oct)

台南市,台北,新竹_內灣

19 oct 2012 Fri 新竹-內灣老街 Sunny Day


再過少少就係攀龍吊橋,開初以為已經爛晒行唔到,但見到雖然好多草但又未至於欄路行唔到,又雖然上面支燈都甩埋落黎又雖然佢旁邊既板所寫既字已經模糊不清,但我見有新整既射燈而且地面既木板都算完整,加上木板話呢最多只可行十人,所以我就試行,當然係細細力行啦,去到三份一度條橋有D搖,個心有少少離,果下我都有少少驚,所以更加輕步行,見地板有D木爛左,小心咁跨過佢,而且盡行有木樑係底既地方,再望望旁邊既鋼筋,都生生地秀,嗯,望落橋下有人好開心咁玩緊水,D水雖淺但都好清下,由依度跌落去都應該會死硬,嗯,行到對面,好似入左森林咁,又係多植物,再次腳踏實地後行左上對面既福德祠拜一拜(唔關頭先過橋事件而係去到人地地方入屋叫人而已),依度應該都冇咩人到,見台面有火機又打得著搵搵旁邊有香,雖然好有濕氣都叫點得著,所以就裝左香比福德老爺同旁邊既有得食下咁,之後再行番轉頭,去到一半又搖過,企左係度影左幾張相就繼續行,其實依條橋靚過內灣吊橋好多,但可能位置比較隔涉而且維修又要唔少錢,所以冇咩人理佢,旁邊有間餐廳仔見佢整緊,望出其實好靚,本身都想飲杯野,但佢應該未開始做生意,算了

番轉頭呢過左去橫山采風館,如果唔係之前網上搵過D資料,咁既外型我應該唔會入(成間大陸食店既感覺),入到去一個人都無,樓下封左走左上樓上睇下野,真係多舊野睇,最衰係玻璃櫃入面,影相反晒光,但真係好古老,古祖雪榚機,舊玩具車,舊打CARD機,舊鐘,舊冷暖機,舊電飯煲等,EVEN舊鐵罐舊糖盒都好正,雖然地方唔大但值得去睇睇,番落樓下又見舊電單車同埋其他小小既古老野,係依個時候先見有個阿姐係度,但佢完全唔理我自己走左出去,嗯

由停車場行番老街,本身想搵搵內灣出名既野薑花樹,但搵唔到而且好曬,之後見到有幾隻貓係度,陽光底下都幾靚,我喵佢地有隻回應我仲走埋黎表現親熱,而其他兩隻就對我好好奇咁望望下

番到老街鋪頭卒之開多左,但都只係少過一半有開,搵左想要食既范阿嬤野薑花粽,鬍鬚林高粱香腸就買走行番去地磅個位坐樓梯食,高粱香腸其實無咩特別,而野薑花粽好細隻但有少少花香都特別,再之後呢就再搵野食,見到有豆干,諗起台中霧社既豆干,所以買左黎試試,當然冇果度咁好食,但佢D料都幾辣同有味道算唔錯啦,見時間差唔多,買左麻糬,牡丹黑糖榚(依個好食,好大塊都係50蚊台幣),再買埋炸野薑花就搭車走人了,丫,街邊麻糬阿婆好好人而佢隔離鋪既阿姐可能得閑就聊我傾計,麻糬阿婆問我羅走定切開即食,我見咁大塊梗係叫佢切埋,佢話切開左就要即食,本身想羅番去機場比朋友食,問佢夜晚得唔得,佢話唔切可以擺耐D但切開左隔耐左就唔好食(真係好好食,但因太大盒,我一人食唔晒留左少少係第二站食,一個鐘後開始出水,果真已經無咁好食),隔離鋪阿姐問我係咪一個人出黎玩,我唔想講得太覆習就答佢係,佢問我邊度黎我答香港,佢好似好驚訝咁仲問我係咪做左好多功夫先黎到,其實加加埋埋都係搵左半日料,當然,果度以台灣人為主,外地人比較少,見我香港黎都識搵到依度可能覺得有D怪,哈

入左便利店買左支水係車站入面食炸野薑花,可能唔太夠熱又可能間野唔好食(格局似集團式經營,但周圍都係賣烤姑反而少炸野薑花)所以一般

搭3點零5分既車過左兩個站到左合興落車(內灣後既富貴站都其實幾raw,而且對開既唔知咩好似水泥廠既東西都幾特別),但得我一個係咁做,另因得一個鐘時間,而且miss左4點車就要5點再趕去機場我就好大獲,所以抓緊時間睇野,首先去左睇間搶眼石屋,入面無野,影左陣相去另一邊舊車卡,又係完全無人但有隻狗訓緊覺,驚驚地佢以為我佔佢地頭咬我所以都係輕步唔好阻佢,影左陣相再去另一車卡,有台個款似似地餐廳,睇番個牌似乎係但唔知假日仲有冇做生意,行前少少見有舊火車軌同埋原本木制既侯車室同售票站,而依度既愛情故事我係黎到先睇既,原本我只知個車站有人領養原來主人就係依個故事既主角,難怪了,如果拆左真係可惜

差唔多夠鐘就番月台等車,隔左陣車就到,係車頭影左少少相架車就關門,好彩通常都會有個站長係度,我係咁揮手示意我要搭依架車,佢就叫架車開番門,呼,好危險,過左依架車我就會變得非常之趕,仲要分分鐘趕唔切到機場counter check in,好彩好彩

係車度食左幾塊黑糖榚番到竹中已經係黃昏再轉車到六家再轉高鐵到左桃園再搭巴士到機場,印象中上年年尾明明架705好似係唔用比錢,今年居然要30蚊,究竟佢改左要錢定係我記錯左,嗯

到左機場都只係6點半,所以又要等,再食多兩塊黑糖榚就好飽,朋友到左我都唔用食dinner,嗯

今次呢覺得台南市真係慢,特別係last一日係民宿度無野做時真係完全感覺到果種hea既感覺,而且真係好多廟啦,行緊美國時間啦,野食同台北完全唔同啦等等,仲有狗呢好多坐電單車,但又好多都唔係純種,所以唔夠靚仔,而台北果邊既新竹內灣,地方還可以但唔夠桃園既大溪三峽老街熱鬧同多舊野睇,下次呢應該就會去番桃園,要行下佢既三坑老街,今次唔夠時間做preparation,下次要到,嗯 btw,台灣應該係我到過最多TB既地方,真係成行成市,見怪不怪,而我呢係鹿耳門天后宮見到有對中年男士,拖住手咁係最入面果間廟既外圍漫步,唔知係咪係透過月老卒合定點,總之就很有愛,嗯

Back to Part.01- 台南市

[14to19/10/12]
Photo Link <<<<<<<<<<<<<&lt

No comments: