play list

26 October 2013

日本大阪京都 2012-11-21to12-01 - Part.09(29Nov)

日本大阪京都

29 Nov 2012 Thu 和歌山白濱 Cloudy day

放好行李後去買飽做早餐8點幾搭巴士去和歌山,今次係去白濱浸溫泉,因為都幾長車程,要成三個鐘,所以早出發係車訓覺,當中見到對面山上霧未散,下面係平房,感覺幾靚,但車開得快而且有樹阻,唔係幾影到相,去到中途休息站,就可以見晒全景,但霧已經散左d,所以感覺無咁好

休息左陣再上車,去到和歌山既白濱已經係十一點右左,係中途既Tore-tore市場行下同埋lunch,個漁市場唔算大而且感覺都唔係幾似漁市場(同竹地又或者其他市場唔似)反而有d似大型既supermarket咁,行左陣睇左陣就開始揀海鮮食,再係旁邊既燒烤場比300yen燒左佢黎食,係中途我行緊hea緊既時候比人捉住左做遊客調查,都問得幾detail,去到我唔識答既地方岩岩已經到左集合時間,其他由朋友代答,呵

過左去買野飲再攪燒野食慢慢hea下,海鮮算唔錯價錢呢可接受,而且咁既燒烤場都幾方便,但日本人只會食少少,一至兩樣左右,好似只有香港人先買咁多野食,嗯

食完野再坐車到梅樽溫泉,服務小姐係中國人用國語同我地交談,介紹完一輪就休息左陣出左去睇唔知咩海中展望塔,丫,我地既房係對海而且都見到依個所謂既展望塔,本來呢依度睇日落浸溫泉既景觀一流,可惜又係蔭天,無左個日落,浪費左好景色呀

依度既景好唔錯,但其實都幾舊式下,有d似7-80年代既格局,anyway,穿過個古祖少少既商店後就去到個展望塔,落到去黑蚊蚊睇唔到幾多魚,如果好天太陽打落黎應該會清多d,上番去買野飲見到對面有人浸緊溫泉,赤條條咁好open,再下面對海既又再係另一個露天溫泉,好開揚,聽講出名既除左係tore-tore市場既溫泉外就係依個海邊既溫泉,純天然溫泉水,但唔計赤條條比人見晒個問題,行出去段路都好長下,好凍者

上番房坐左陣就係食野前浸下溫泉先,依度比之前係有馬大,室內既池大得多,而且水溫好熱,浸左陣就出去露天既地方浸,話係露天只係有open area,但依度係木筒浸既,雖然唔會自己一個筒但分開幾個空間感多d,都幾舒服,對海景如果有個日落就好了

浸完去食晚飯,都係懷石,但比有馬好少少,當然係價錢問題,但感覺好似有馬好食少少,上番房個個都好倦咁,訓陣訓陣就個個都無去浸多次就訓晒了

To Part.10 - 白濱和歌山,大阪

[21/11/12 to 01/12/12]
Photo Link <<<<<<<<<<<

No comments: