21 December 2012

盂蘭勝會(廿九) - 荃灣潮僑街坊盂蘭勝會

貳零壹貳年玖月拾肆號(柒月廿九) - 荃灣潮僑街坊盂蘭勝會


點零鐘又到左荃灣,依度既祭好兄弟冇落沙,只有一大埋祭品放係度,兩點左右就開始儀式,依度最特別既係果盤煙,排得好靚,不過我冇留意佢幾時整,所以發現時已經燒晒得番d灰但仲有個形狀係度,都幾靚下,仲有依套一盤盤既冬菇山,髮菜山仲有金針山好似好好味咁(仲有d餅同糖都好似好好味咁),要知道咁大隻菇同埋加下d髮菜好貴,要黎掉真係有d浪費,不過時間到左都係係咁易掉少少落地,咁都好d,唔係真係好浪費d好野,可能因冇落沙,街坊只係插係祭品食品上面,所以唔係太多煙,少左喊晒咁既場面,但街坊們值理們仍係相當高興,始終盂蘭勝會係一樣開心野,如果參與過就會知道了

當中經棚果邊做緊瑜珈焰口,街坊們當然忙於準備搶姑雷果,有遮有盒有膠袋等等,而且亦笑面處處,好開心,依個焰口呢,見到準備左好多姑雷果,應該好多人有份了,而我呢就唔企正中啦梗係,唔係又會不停咁飛中個頭,最後呢,我都執左兩個食,依度既姑雷
果冇粉嶺果d咁靚仔,但味道咸咸地,幾好食

之後就係化大士同埋派米,可能因係鋁架冇得爬,所以出動到機械車升上大士台拆幡同埋除其仔裝飾,丫,依度既牌匾會用支竹隊穿幾個洞先除落黎,幾特別,但化大士既化寶爐呢,因係環保爐入口已經好細,而且太近戲棚,化大士王時爭d燒埋隔離,好危險,後尾
先知原來個爐隊前左,其實可以放後d同埋後尾聽差人講佢好似無開抽氣,所以攪成咁,怪不知環保爐都咁多黑煙啦

最後派米時刻影左幾張相就走人了,依度既人都幾斯文,嗯

丫,但我發覺依度既值理年紀比較大,好似少後生幫手,唔知係因開左學定點,但怕如果無人接都唔知仲攪得幾多年,下年留意下有冇後生幫手先

[14/09/12]
Photo Link <<<<<<<<<<

No comments: