11 December 2012

盂蘭勝會(廿四) - 中區卅間街坊盂蘭勝會Part.02

貳零壹貳年玖月玖號(柒月廿四) - 中區卅間街坊盂蘭勝會Part.02

睇完三角碼頭飲左D野就番番上場地,時間係7點零鐘,做緊散花,仲係好多街坊好多遊人好多遊客好多車,因儀式既問題所以用左一條路,所以就要人指揮交通,差人呢派完米就唔見晒,不過情況都算叫做可以,係要成日避開D車有D煩,印象中果忽其實好靜下,不過加下唔同晒,D人多到暈,到左散花拋錢果下呢因為實在太多車,所以就SKIP左一大群人執錢果PART,改由成盤羅番入辦公室自己攪,我無跟入去睇但總感覺唔夠好玩,之後就係施食坐蓮花,而因場地問題,破地獄就簡單地用兩支劍仔旗仔自轉咁,但拋餅都幾特別,之前我次次都睇唔到,可能因儀式太長拋包太短無咩機會睇到

可能因地方時間問題,頌經真係非常快,好似急口令咁,未夠10點已經開始預備清場化祭品,十點已經係打大士王既重頭戲,以我第一次睇,時間都唔算太短,打大士既原因呢,值理講係要打走晒附左上大士王上面既鬼仔喎,先拜拜再用幾支棍插大王放左落黎後就打左十零下度之後就用棍叉住行去化左佢,化前再打多幾下,咁大士王就完成任務了,睇睇時間仲未夠十點半,但就開始拆神袍化祭品,當中仲有外國人係度一齊燒,而且有個鬼佬明顯係飲醉左係度傻笑,但人作人員又由佢一齊幫手化,後尾再有一對西人係度化鬼差,難怪佢地講鬼多過人,依度真特別,但係度睇左成日盂蘭,靚女真係非常之多,攪到之後幾日係其他地方見到好多自以為係靚女既女其實係完全不入流既,嗯

丫,最後清場後有份食乳豬,好好食呀

Back to Part.01

[09/09/12]
Photo Link <<<<<<<<<

No comments: