泰北,寮國 2014-01-25to02-10 – Day.02b(26Jan14)

泰北,寮國

26Jan14 Sun Chiang Mai Sunny Day

跟手見有時間,食lunch前去左一個local market度睇,唔算大但就多生果同蔬菜賣,望落都幾新鮮下,以士多啤利為多,我都用左20b買左一杯,有少少酸但加左糖係面都算可以,之後仲去埋小瀑布睇(Sirithan Waterfall),無咩太特別,最後去左長頸族同苗族既村落睇,睇左d新鮮咖啡豆,傳統草屋同當地人咁樣,睇完就去食飯,lunch算幾好食

食完就去埋大瀑布(Wachiratharn Waterfall),Dry season都咁大水如果雨季應該好勁,d水花真利害而下遊幾靚,唔錯,玩左一個鐘度就走了,又要坐番2個鐘車番市區

去到old town落車,開初以為Sunday market係賣遊客野既地方,唔算太大,但過左gate後先知道原來真正市集係行去帕刑寺果條長街,但因我要去街市買野,所以見時間早人唔多,先去左Waroros Market先,去到發覺好多鋪都無開,問左人原來因係星期日關係,好多鋪頭早關門去Sunday market擺檔,難怪4點幾就無咩鋪開啦

番到去gate旁邊既街,因之前一日行過去帕刑寺,所以知道依條路以正常步速都要行30min,成條街放晒檔口真係好勁,前少少十字路口睇到原來兩邊馬路都仲有,個情況真係好似街市既人講得清邁所有灘檔既人都黎依度擺賣,第一次行咁大既市集,黎得清邁真係唔好錯過依個Sunday market(好在我cancel左night safari黎左依度者),丫,依度5點半左右就會有廣播,講完一輪野後就會播國歌,所有人都停晒係度,當然遊客都唔郁啦,成條好熱鬧同好忙碌既街所有人停晒,都幾有趣

依度賣既野未至於太重覆,而且款式多,衫褲首飾cushion杯畫燈飾等等太多,而且仲夾埋野食係當中,我又食多次米線,仲食左個四方形雪條同埋蠶蟲water bug等等,隻water bug好大隻(手指咁長10b),問點食就話只要抆左隻翼就食得了,唔算太好食因炸過無哂汁就咁食好似咬個殼咁,而蠶蟲就好食得多,味道濃d陣味同個感覺似食緊蟹榚(20b一包),另外仲有d烤腸(30b),少辣好食,食完坐下睇下相再行時已經7點幾,非常非常多人,好似新年行花市咁,行左好耐未見盡頭所以我放棄要番轉頭,但行左一半已經太多人入緊黎越夜越多人,反方向行實在太困難,最後好難先搵到一個位short cut走出去,轉走支路都多人但叫做行到,爭d被困市集,好利害既清邁Sunday market

丫唔記得講除左買野食野,仲有d類似灘位遊戲既野,再前又有d親子活動,有d 人去寺廟拜佛等等,幾多元化既活動,仲有個警察係警局門口彈結他,有個女仔唱得幾好聽,熱鬧而有趣既Sunday market

之後行番hostel,沖涼之後本來想買啤酒飲,但原來係national pre-election day,所以seven唔賣酒,食左個yogurt就番去,本來想上下網但要出街先收到(hostel個lobby係對面街),用左陣wifi前少少就咁岩有家庭糾紛嘈左好耐又掉野出街咁,但另一邊有一家三口小貓坐係我隔離,同佢玩左陣,一邊好安靜另一邊又嘈到死真大對比,無耐就聽到開槍聲而且有差人到,所以都係走人番房訓好了

To Day.03 - 清邁,清萊

[25/01/14 to 10/02/14]

Photo Link <<<<<<<<<<<<<<<<