10 May 2016

泰北,寮國 2014-01-25to02-10 – Day.05(29Jan14)



6點幾起身天都未光就行去巴士站買飛去孟浪(muang long),去到都未開門,見有檔小食岩岩開門就買左個杯面食,6000k(5.6hk)但係又唔收泰幣,比哂用剩既4000k+20b(7.7hk)就算,唔知係咪收貴左佢比個杯麵我時多左幾條腸仔係度,

7點半counter就開門,好彩收泰幣,但唔係比kip佢好似找少左比我,本來50000k(47hk)加下比泰佢就找少左10000k,即張票要成60000k(56.7hk),不過算啦無kip係咁煩了,之前又話Thai通用但原來小販唔要

hotel checkemail就執野走人,行去巴士站只要10min,不過朝早真凍,8點半車8點就開始load,架車係非常細既van,仲要爆晒,好彩早買飛,一架車迫左十幾人,行李放頂不過太大塵所以用rain cover包住佢都烏糟晒食晒塵

早晨既郊區好大霧,但車太登只影左幾張相,因我坐側邊雖然腳伸到但好易頂頭,四個鐘車但都無乜訓到,,發覺老撾廁所要比錢,所以長途車唔會有廁所位(緬甸好好多),如果急既就要停車自己搵地方去,因我條褲爛左拉鏈去廁所好煩,所以上車前少飲水同差唔多開車前係巴士站去多次廁所,所以唔算太急

路同之前緬甸既早緬山路一樣爛,而且好多霖泥霖石既路段,雨季行依段路有危險,至於沙塵同登既程度,同早緬不相百仲,不過依架車(果時我坐電單車上山),所以更登,但之前有經驗,還可

差唔多去到孟浪時就見好多蕉樹,本來係鄉下地有一大片一大片蕉樹林係一d都唔出奇,但奇就奇在每棵樹都有個藍色大膠袋係度,一棵就一個,全部藍色膠袋,唔知攪乜,之後有機會要問下孟浪d人究竟攪咩

最後架車係路邊入左一塊爛地,原來有個巴士站但極之簡陋,以為巴士站轉左地方但睇番地圖真係同town咁遠,毫無頭緒烈日當空,揹住行李跟車路行,入村口時有人識英文問我去邊,話左要去唱錢同搵Tourist info center,指左路比我但入面度度差唔多,攪左輪先搵到唱錢地,唱左100us(1us=8002k,=800200k),rate 算唔錯,跟手搵guest house,去左之前mark低其中一間叫Siseng Guesthouse,60000k一晚,乾淨但係地下無咩view,搵多間睇,去左係士多後面既Huom Phanh Guesthouse,房係樓上而且之前搵過評價都ok,都係60000k一晚所以要左2,放低野就去搵食

原來local market好近(Huom Phanh既其中一個優點),搵左檔又係食米粉,因老撾食米粉既地方一定會有幾種醬係台,所以我亂七八糟咁落左d醬後就食,依度比LNTd送而且湯底又好味d(唔知關唔關我亂落d醬既事),都係10000k(9.4hk),其實都唔平

食完就搵Tourist center,gps睇只得一條路,之前係網上搵果張圖又朦而且show係反方向,睇睇下就會攪錯,搵到成身汗先搵到,去到Tourist center原來明天帶行山既guide今日放假,本來打比佢但我電話係依度無connection,所以要左佢番office,1day Phou Pha Kham trekking400,000k377hk,好費不過自己一人行就係貴,攪左輪比埋錢就走人

center問埋Hilltop Stupa,Nam Long and Nam Ma rivers點去,不過去前行多次街市搵下有無人整拉鏈,原來有仲係即時整,只要10000k,真好

之後行左去Nam Long river,首先見一間廟仔,門口畫左d,無咩特別就行落河睇,見有d小朋友係度,d長長既竹籃係手(之前係村入面見過),應該係要黎捉魚用,前少少有人洗緊車,同佢up2句就再行前睇,無咩特別就上番去,岩岩撞到有人羅左桶衫行落河,覺得可能係河邊洗衫就行番轉頭睇,原來佢地係沖涼,我有相機都唔方便睇,所以都係走人算

行番村口附近既Hilltop Stupa,時間都差唔多5,因岩岩係煮飯時間,好多人係門口燒緊柴好大煙,view比較朦,睇左陣明明都見唔到日落,center又話好sunset view,奇怪

行番落山跟太陽行,可能依個地方無咩遊客,所以村民同小朋友對我好好奇,雖然無緬甸咁主動但都有同我打招呼,我笑佢地又笑(泰北都係),途中見到隻了哥,係度扮電單車聲又係度講老撾話,好攪笑

行埋一邊睇到太陽落山影左陣相就行番轉頭,後來見個太陽好大個可惜我已行左一段路,唔再行番轉頭了,由佢啦

番到guest hostel放好野再出門口已經7,條街既鋪頭已差唔多關晒門,好彩仲搵到一檔野食,不過唔用點餐因係得一樣野食,但今次呢唔係米粉而係河粉,而且有少少肉係度,不過太黑我睇唔清究竟我食緊既係咩肉,之後都係亂七八糟咁落佢地台面既醬叫做有d 唔同味(已經連續食左幾餐湯粉,食到有少少悶),係小店食野同埋佢地家人一齊睇d我唔知講咩既電視劇,佢地睇得好開心我就都ok,睇唔明感受下都好,Anyway,食完又係10000k,行出門口時卒之見到點解我一路食一路聽到隻狗叫得咁慘,發覺門口電單車車尾佢比人綁住四肢好似打獵後既獵物一樣,原來老撾都食狗既,怪不知佢叫得咁慘,所以我都唔忍心影佢相啦

番到GH沖埋涼洗好衫都未夠8點半,執下少少野未眼訓就睇左陣書,明早6點行local market,聽講係由山上既原居民(Akha)半夜揹落黎街市賣的,睇完之後要行山,所以未夠10點就早訓了


[25/01/14 to 10/02/14]
Photo Link <<<<<<<<<<<<<<<<<

No comments: