行到去入口只半個鐘,見有3個男人係度,佢地食緊飯,原來Lusi入去要guide,20min
10k,如果去埋Lagoon(聽講好靚)就要另加20k,但來回一個鐘,不過佢話洞入面d水去到pat pat位,我唔想整濕條褲同鞋而且驚水入面會冼腳整親(我腳已有小傷),所以只去Lusi算了
佢地話要食埋飯先,仲問我食唔食,我唔肚餓所以無食,無耐就有5個外國人踏單車到左,之後就一齊入去,入面都幾靚,不過因行得太快而且大機又唔多方便,好多相可能矇左,求其影算了,入面都幾特別,有一堆堆好似蛇行過既形狀,有d就一層層石頁咁,又有d奇怪石,而且個cave都算幾大幾深,有d要上上落落,d地方仲比較冼,係某一舊石度就停,guide話再前行就去Lagoon,之後行轉頭,出番去時已成身汗,因想睇tubing,所以無咩休息就行番出town
今次行左去另一條路,睇下過唔過到對面既另一小島,原來都要行番條木橋過再行鐵索橋,去到原來都係resort,無野睇,開初以為個島係tubing既地方,原來唔係
見時間只係4點左右,之前過木橋時見有boat
tour,睇下要幾耐同幾錢,原來一個鐘,時間ok,價錢1人包船就要100k(=100hk),好貴不過因無踏單車,可以用啦,坐船首先逆流而上,見好多扒獨木舟既人番緊town,之後先見有人玩tubing,d人有d好似好放鬆咁但有d之好似好倦咁,因水流太慢,所以如果要早d番town,就要自己用力爬,或者有d偷懶既就捉住人地隻獨木舟番town,不過條河其實好長水又慢怪不知有d人咁倦,去到河既一半近距離見到高山,不過其實遠睇好似好d,最後再前少少就番轉頭了,見唔到想睇既跳水活動,後來先知原來係blue lagoon果邊,怪不知坐船一個鐘都見唔到啦, 差唔多番到木橋時見到有熱汽球,好近但唔多,睇佢地未到日落就睇完咁應該日出時睇會好好多
完左個tour行左去之前入pha poak果個草地,唔洗錢既大sunset
view,訓左係度睇下書等日落,身邊既只有一兩個外國人係度,仲耐唔使有d雞係我隔離周圍走,等左無耐就已經日落了,係同第一日GH附近既唔同,不過都好快就唔見左,可能係前面有個山太高阻住左,睇完就去飲野,本來想坐riverside,但有人book左所以就去搭台,同台既係德國人係咁同我講野,講旅行講工作等等,之後佢係咁叫我去飲野同食dinner,但因太倦所以reject左,不過中間去過一個有camp
fire既地方都幾舒服,仲送左兩次我去GH又問我第2日去邊,solo travel咁多次依次算唔算叫有番次艷遇呢?哈,卒之食左個簡單晚飯番到GH都十點幾,倦死,第2朝5點半車仲要行半個鐘先到車站,沖完涼好快就訓了
[25/01/14 to 10/02/14]
Photo Link
<<<<<<<<<<<<<<<<
No comments:
Post a Comment