再前係一個塔,樓梯更窄,上落都要好小心,爬左上去係另一個view,到左4點幾太陽無咁曬,d石像既光影出黎再好d,睇完影完就番出去,時間應該唔多夠去塔鑾寺,算,直接去 riverside睇日落好了
Tuktuk司機已經係度,本來話要30k不過另一個女仔問佢話20k,咁我都係比20啦梗係,出到去customs,岩岩有14號巴士,跑過去上車後番市區,去到巴士站見有d餓就買左魚旦同木瓜絲(5k)既東西撈埋d唔知咩醬食,食落都幾好味,再係前少少買果汁冰,有好多顏色,唔知邊隻好就叫老闆娘提議,佢撈左3隻色比我,有椰子肉有果凍同唔知咩粉紅色既物體,加埋冰真夠凍
行去riverside大約5min,時間岩岩好,開頭以為有雲睇唔到日落,點知又ok wor,有少少河水加埋完美太陽,正,睇落都幾大個,睇完就影下個銅像(我唔識佢不過佢位置係總統府正前方,手指向河),依度仲見到好多市民跑步踏單車又或者散下步咁,好柔閒,坐左陣就去搵野食了
又行左去下晝未開門果間Pha Khao,不過去之前唱番d kip先,因之前唔知搭車要幾錢又無咩細美金,所以係旺陽唱左100us諗住到泰國可以用老撾幣唱泰幣,不過問過人無得直接對要先美金再泰幣,所以都係laos唱番美金先,因時間已經係6點10,好多exchange money都已關門,有少少驚我d kip對唔番,好彩睇gps行左8-10間exchange後搵到間收8點,不過佢話無us但好彩地可直接唱泰幣,非常好,唱左300k個rate都唔錯,用剩150k左右要黎食飯同找GH數,希望佢收kip啦
行左去Pha
Khao度,原來夜晚都無開,都唔知係休息定已執左,行左去20min左右既橫街搵三文治食但又關晒,所以都係算了,行番GH方向睇下有咩食好了,不過因為食過太多米粉湯所以唔想再食,見到有間有飯食既10k大碟8k細碟既buffet,想去食點知原來係family
party,係街擺又寫晒價錢出黎都幾有趣,不過我又無得食,最後去左一間大排檔既東西,有英文menu叫左個豬肉飯同雞湯Traditional
Lao Chicken Soup(卒之搵到地方食了),都幾好味wor,不過就有d貴要55k(=55hk),之前仲用左8k買左laos black beer,有6.5度酒精但就非常好飲,難怪之前睇資料去laos一定要飲laos black beer啦
VTM除左比較熱外感覺可能因係首都,d建築物比較四正,當然亦有舊樓,特別係夜晚感覺有d似金邊,番到GH已經8點幾9點,比左房錢就上房,不過間房好細,有d似監倉咁款,而因無風扇打開窗出面又有人坐係度咁即係點呢?唔理咁多關番隻窗去沖涼先,沖完涼就由佢成床野咁落樓下寫下日記,因房實在太熱,依間GH(simhome)唔太大而且係舊樓入面有d噴畫係牆,感覺好西化,而且接待既都係外國人,都幾nice,GH出面坐左幾個西人係度傾計飲野,應該係依間GH其中一個優點,有唔錯既social
network而且可以好易咁搵人一齊去旅行(撞到個台灣人佢岩岩到仲問我一唔一齊laos玩),而我只係中意佢同第二日飛機間office近(5min)先住依度,不過真係訓得唔太好,雖然最後窗外面既外國人已經走晒,不過樓下仲好嘈,而且又無風扇而VTM又熱仲要隻窗無蚊紗,未訓著已經咬左我幾啖,好彩有帶蚊香,不過樓下嘈到12點幾,塞左隻耳後都聽到最後要開埋mp3先掂,不過越夜就越涼點幾已經靜晒,卒之可以訓了,明天6點起身,算仲有幾粒鐘訓下,依間GH我諗住dorm可能好d(我要了us13shared bath room),不過除左靚之外真係無覺好訓,雨季唔知點頂,應該比蚊咬死或熱死了
To Day.15 - VTM,BKK
[25/01/14 to 10/02/14]
Photo Link
<<<<<<<<<<<<<<<<
No comments:
Post a Comment