前一日約左一個村民朝早車我去睇Tai Lue Ceremony,話5點半至6點左右,但等左好耐都唔見佢,可能前一晚玩得太開心飲多左啦(佢地話完左picnic之後再去唱K,我當然無去啦,唔想再飲過爛醉),卒之７點都未見就打比guide,但無人聽,所以去market食早餐先,食完行出黎就見guide查車經過,佢叫我番GH先會叫fd接我去,番到去寫下日記咁等到８點都未見，打多次去就有人黎車我了
不過我地先前德國義工度先,原來另一個朋友仲醉緊,要攪到成9點半先出發,仲要一個行先再接另一個,去到橋位就放低我自己行入去,條橋同條路都好熱鬧,入到去好似墟場咁,好多野食同玩既野,d小朋友仲係度係咁玩炮仗,好熱鬧但就見唔到邊度有慶典個台,行左陣就見到前一日picnic既朋友係度,問左可以參加就經過個森林仔行入去一個洞穴入面,佢地話依度平時唔比人入係有慶典既今日先可以入去睇,山洞入少入向下仲有個洞口,望落好深,原來有20米,影左幾張相就出番去
出番去去到一個棚度,原來有個女人做緊法事,話已被神靈附身,見佢係度圍住個棚跳跳下,之後就上香,再後來就開始著件白袍同白頭巾,祭台前有一班班村民坐晒係地,無耐就有班人跪係度拜佢（應該係一家人或一個村既代表）,咁佢就口up up咁指點迷津,然後指示信眾係旁邊既神台度洒米放蠟燭同放錢同時向比人綁住隻豬度洒米,再向另一個細棚同台仔前做同樣既野,之後就番女祭師度,當奉獻祭品時, 祭師會用塊白布迎距離指住d祭品,我感覺佢係要經過祭師將d祭品奉上神明,有時會見祭師會吐d口水入水樽度,應該係作法既法器一樣,有時完成左幾個跪拜求神儀式後,女祭師會再另一個男主持或最後跪拜既男主人握手,之後女祭師就會訓左係台度無耐就會變番正常人一樣
休息左陣就會見女祭師用塊白布蓋住自己,好似喊緊咁,個身好大動作咁搖搖下就上番台,應該係求神上身既其中一步儀式,不過德國人已經行開左,記得佢話可能係朝早既呆等(同我一樣case)可能係因早上既請神儀式太私人唔想比外來人睇到,所以先一個兩個朋友唔見晒拖到９點幾先車我地入場,我心想雖然睇唔晒成個過程,不過無所謂啦,依類法事我都好有與趣,雖然只睇到其中一part（聽guide之前講,儀式某部份會跳傳統民族舞,之後會用刀劈自己,應該好似神打之類既東西）
之後等d村民求完神問哂來年要留意既東西後就見到殺豬儀式,先用矛吉左隻豬一下,隻豬就開始驚而d村民就係度叫,我聽唔明佢地講咩,不過就類似呵~~~咁樣既野,村民好開心,好似將d祭品奉上神咁,隻豬係依個時間已嚇到腳軟賴屎,無耐就見羅矛既人再吉多隻豬幾刀,豬慘叫而村民就又嗌果隻字同拍手,無耐就流血流死左比人抬埋下一邊拔毛同判切開了,最後d豬肉會賣比d村民,丫,仲有一part係女祭師會落台含一口水,吐落其中兩個女人度,再用手鮮開佢地d頭髮,唔知捉緊d咩咁,之後果兩個女人會比白布遮面,成身係度震,女祭師會拍佢個背,個女人就會係咁喊,唔知係做緊一d驅邪儀式定係來年既女祭師傳接儀式,睇到依度其實同我之前係秀茂坪大聖誕請神求神儀式有d似,我估好多傳統習俗都有依類請神上身,向人顯示威力再指點善眾然後交上祭品最後分享受過法事儀式既物品回家供奉咁
依個係Tai
Lue既祭典,但就有其他族既村民黎,雖然佢地唔會求神,不過就會襯墟買下野食下野聯誼一下,仲有d灘位遊戲求簽等等,好熱鬧，我睇多陣食下野又求左支簽搵picnic班朋友同我解下簽咁,hea hea下三點左右就走左人了
番出去又要經過條橋,佢係木同鐵索橋,經過時非常搖,有時仲要斜埋一邊,加上因慶典關係好多人行,當有電單車經過,人多就好難平衡,有d危險既感覺,當然佢地可manage到啦
出到去見d田收緊禾草,另一邊既田就全部鋪滿禾草,應該係要黎保護泥土既,都好壯觀下,但因係泥地又多電單車出出入入,近路邊既禾草就鋪滿沙泥,影左陣相就番GH,訓左陣就出去影日落,不過今日既太陽唔夠大個,位置亦唔多好,算了,不過影緊相時,有個村民係度整緊門口塊地,佢識少少英文,就同佢傾下計咁,係太陽未落山時行留town食野,之後出去影下星(無腳架,好朦,而且星唔多)番GH執下行李就訓了
To Day.09 - Muang Long, LTN
[25/01/14 to 10/02/14]
Photo Link
<<<<<<<<<<<<<<<<
No comments:
Post a Comment