睇完依個Akha
Phou村就繼續行山了,雖然要穿林但唔算太難行,有開山刀果然方便好多,當中見到好多大樹,原來有成2-3千棵大樹over50年以上,有d仲有300年,高大約50尺左右,咁近都見到咁多古樹真難得,問過原來孟浪有三萬幾人,都唔少人呀下
行左大約3個鐘後上左依度最高既山仔睇全景,要爬d尖石上去,都幾界手,80幾米高到頂有少少平位但唔多,個view開揚可望到孟浪全景但比較朦,guide話雨季會清好多,但條路應該比較難行
睇完落番山,係前少少既森林仔度食,開初以為係村民屋企食,不過依度唔覺有人住,怪不知之前一路行一路要收集蕉葉原來要黎半碟用既,席地而坐之後就羅一包包既葉出黎,就係之前我係街市既既野一樣,原來入面有肉有腸有飯咁,Laos傳統係用手食,係山當然一樣啦
食完就再行左45min左右就出左原始森林了,未出林時見到有人整左個竹欄,中間有個簡陋裝置要黎走小動物既,就係用一支樹幹加條帶吊起佢,如果有動物走過就會趺落黎欄住佢無得走,唔解釋都真係睇唔明點work,出左林後見到一大片蔗田,guide入左去羅左兩支蔗黎食,好清甜,食完蔗想行但guide話成地都係野菜佢up左個名我唔識但佢話好好食,所以我地就係度擇菜,玩左幾個字就擇左成袋菜
前少少有d類似葛既東西係地下(原來係木薯),一堆堆咁,係地成支抽出黎都幾重下,前少少係一個蕉田,實地咁行入去睇真係周圍都係比藍膠袋圍住,打開左一個睇,就係三層快將變垃圾既東西,之前經蔗田時見到一忽成地都係薄發寶膠袋,吹到周圍都係成個垃圾場一樣,不過我無影出黎,見到ed蕉樹,我又諗起不久將來既垃圾堆,唉
去左另一村落,依度係老撾另一種族,傣仂族(Tai
Lue),即過兩日會有慶典既部族,去到都一係貫農村鄉村感覺,不過d人比較cool,唔係點笑(之前既部落比較多d笑面),另因有節慶來臨,有d婦女係度練習緊推石,睇左陣點玩,應該都係考眼界同手法,去用圓石撞開其他石咁,依度仲有其他人咁緊衫,可能係為左節慶做,不過黎到依度又覺得Tai
Lue唔係咁cool,可能節日氣氛影響啦
再行出左村,要除鞋過河,雖然唔算太深(到膝頭咁上下高),但水流好急而且河中石頭好硬,要慢慢行,行行下見到成架貨車開入河行,水陸兩用車咁用,好勁,過完河後赤腳咁係泥地行,之後去到一個涼亭後就係依度吹下隻腳同條褲(已濕到patpat位),無耐就有電單車車我地番town了
今次共行左6個鐘左右,唔算太辛苦不過幾好玩,番到去tourist ctr5點左右,guide叫我夜晚去佢家食飯,都好丫,不過我先行到番gh沖涼換衫先,因之前行山時整親少少隻腳(舊患),就係附近藥房買左支藥膏,原來又係counterpain,果然好野來的,因已經諗定留多兩日,所以買左張電話card係度打電話用(smartone個roaming係依度唔work)
攪好晒d野6點幾行去guide屋企,已經入黑不過尚算搵到路,去到見到個德國義工,食飯既地方係門口既一張石台,屋我地無入去就咁係門口傾下計咁,好快有飯食,見到我地今日下晝擇既菜,都幾好食,老撾既家常小菜都幾唔錯(終於唔用食湯粉了),仲飲左佢地自己整既homemade whiskey,當然好勁不過都幾好飲,無耐就見個天有煙花又放爆仗非常熱鬧,原來係過節(我記錯左日子,原來當晚係年三十晚,佢地放煙花既應該係村入面既中國人或山上既akha,新年可能係一樣的)
因我要stay多2日係孟浪(住同一間GH,可以洗埋條褲同因住多兩日,佢收平我25k),check過要朝早先有車,問guide借左部電腦要黎send
email cancel原本要去下一站既瑯多(Nong Khiaw)酒店可取消不過要比一半錢,又send埋email比屋企話改schedule同電話搵我唔到,嗯
食完未夠9點我就走人了,番到去睇下相同書咁,丫,我部相機可能放左係背囊底,比我撞爆左個display mon,不過好彩仲用到,呼
[25/01/14 to 10/02/14]
Photo Link
<<<<<<<<<<<<<<<<
No comments:
Post a Comment