07 May 2016

泰北,寮國 2014-01-25to02-10 – Day.03(27Jan14)



一早起身食左d野執好晒背囊就放低鎖匙係房出門口等車了,依間your house真係無改錯名,係度咁耐只係第一日見過人之後就再見唔到工作人員,真係當自己住既地方一樣,放低鎖匙係房後就出門口一路上下網一路等車黎

7點鐘車差唔多7點半先到,不過無前一日兜咁耐,而且今次多左西人,不過仲有4個韓國人同車,join topnorth真係少見大陸人(前一日都係亞洲人同西人為主),因唔想太嘈同成日要買野,所以比多左錢去參加依間tour,價錢係900b公園1000b金三角,如果參加華人攪既tour應該可以平150-200b,anyway,依間topnorth都幾交帶,算係唔錯既選擇

去金三角既車程非常長,因係由清邁去到清萊(Chiang Rai),所以我為左唔再走回頭路,一早已經講定我會羅埋行李同埋叫佢放我係巴士站(check過係順路的),then,先去第一站溫泉,其實無咩特別而且時間好短,所以我無好似其他人咁浸下腳,只係去個廁所同影下相算,見有d精美溫泉蛋,不過同團人無咩太大興趣

睇完坐多半個鐘到白廟(Wat Rong Khun),全白幾特別,而且雕刻唔錯,幾細緻,但地方好細所以人一多就好迫,睇落應該仲有少少地方行下,但時間問題無行得太遠

再坐多個半鐘去金三角,問加300b坐船去唔去,去得金三角當然會坐啦(長頸族都要錢不過我無join),船一般般唔算太大或太細隻,d水係眉公河當然黃甘甘咁啦,經過講解,原來金三角就係三個國家夾住中間既一幅地,就咁望唔算太大,地形就係緬甸支流出眉公河旁邊既一塊地,金三角原來就係咁樣,船再行見到2casino,一間老撾一間緬甸但泰國唔比起,所以無,導遊話以中國人為主所以見好多中文字

睇完金三角塊草地同其他河景就上岸,去左一個叫Donesao Island既地方,依度係由泰北去到寮國,可惜係其實我之後就去寮國,所以無咩特別感覺,依度都係賣下衫賣下蛇酒咁啦,夠鐘就落船走了

遊河完去美賽(mae sai)食飯,以為可以順手食下泰北最地道既咖哩麵(Khao-Soi),可惜係團友們可能覺得太地道唔岩去,所以pass,所以我都無得去啦,,後尾先知架車經過泰緬邊境,我想嗌停低影張相時已太遲,遠影一張算了(依度入就係大其力即大金石果邊既關口了),離開mae sai再去清萊前有2個關卡要過,之前好似有槍站崗每車check,加下只係叫停車問原因就放行了

去到長頸karen既村落,入口唔算太過遊客感覺,因我無另外比錢入去睇長頸村落,所以只係門口周圍行下,當地村民友善,見佢地整緊d竹製用品又見好柔閒既感覺,d細路仔係度又有狗仔咁,同狗仔玩左輪又同當地老人家指手畫腳左一輪(佢話我聽食飯d,隻狗仔又望住佢,我指佢又指狗,佢搖頭,其實大家都唔知大家講緊乜,不過算係嘗試溝通下啦,),之後出左大路影下田,但已收割所以無咩野睇,等其他人時我只好飲下啤酒咁,最後佢地卒之出黎,咁我就跟車去巴士總站

車程唔算耐而且亦係順路,問過司機佢話office仲有開而且仲有的士番清萊(Chang Rai)市區,所以就係清萊巴士站落車,買飛220b到清孔(Chiang Khong)BOKEO再過關到老撾會曬(Houay xay)之後搵車到我要停留既瑯南塔(LNT=Luang Namtha),但見佢有寫可由清萊直去LNT,價錢只係590b(=129hk),而且11點車(本來到bokeo0600),如無意外就係非常好既安排

買好票就坐車去清萊市區,先到我之前bookFun-D,都幾遠車程(要成5min),即行路係好遠的,anyway,去到check in 完就睇下email(外國人既Dorm wifi真快),覺肚餓所以未夠7點就行出去搵野食,行出去食野既地方都要15min,先去唱多60us(=1600thb)聽講可以係laos都用得,再行下市區,好似台灣d街咁,不過多左好多bar同按摩既地方,夜市好細而且少人,食野地方太外國所以我無食反而行去一檔小攤食左30b(6.5hk)一碗麵,但味道較淡而且細碗,之後夜市見好多人排隊就食左個雪榚糯米磁,入面係熱的,又熱又凍咁20b,不過好好味,怪不知咁多當地人食啦

見有時間(8),就去左做腳底按摩(200b=43.8hk),都幾ok,最衰係岩岩食完野,唔係比佢按摩身就好了,走前見老闆娘英文唔錯,問佢清萊local market點去,佢話叫morning market,2km遠要坐車,咁就叫佢幫手用泰文寫低方便搭車用,咁就可以去LNT前行下街市了,真好,行番hotel時又見街邊檔,好多學生同放工既人食緊,d 湯好似好好味咁,又見好似消化左之前食果碗細麵,所以就又坐低食多碗粉(d似粉絲),d湯既料比之前多而且好味,價錢都係30b,唔錯

番到hotel沖完涼整埋d 野就訓了,,依間Fun-D好外國人hostel既感到,我住female dorm(82hk包早餐),而且環境唔錯,門口又有secure card,加上reception好人,我叫佢幫手用泰文寫低我最後係曼谷要去睇既地方,發覺依個方法係去旅行最方便既辨法,因好多時我要去既地方比較少遊客到,一定要寫當地文先去到當地人既地方,anyway,攪掂就訓了,明天早起睇街市

To Day.04 - Chiang Rai,Chiang Khong, LNT


[25/01/14 to 10/02/14]
Photo Link <<<<<<<<<<<<<<<<

No comments: