因有整日時間所以訓到8點幾先起身,仲去埋食酒店早餐,雖然只係buffet,不過其實都係一般,食左少少飲左杯咖啡就出發去生果市場了(Saphan
Khao Fruit Market),問過hotel只有巴士同的士到,但佢又講唔清巴士係邊度落同埋感覺好似知又好似唔知生果市場地點,因之前係清萊幫手譯左市場個泰文名,所以就搭的士去啦
不過根據習慣加上依間假假地都係一間hotel,所以一定唔會係門口截車,行左去兩條街左右係個唔多似酒店門口既地方上左架的士,當然係meter架啦,仲坐車頭叫司機去 Fruit Market,佢一7睇泰文名就知係邊,因shundownBKK既原因,唔知會唔會兜路,所以羅左部gps出黎睇,見到全部係示威區旁邊,不過就有d近Victory Monument,係路面見唔到示威場面所以好快就到左FruitMarket,去到原來係批發市場,因時間有d晏,好多鋪已經關門,而d人已經得番好少,生果呢就唔多,而且有d用布包住左,如果早少少黎應該好似油麻地東欄咁熱鬧,可惜
行左2個圈去左另一邊既批發市場(依度都算好大,有8-10座樓,似係同樣做生果批發,但就岩岩油緊油,好似幾新下,之前可能會舊d),行到某一處見有垃圾車收緊生果既垃圾,行去睇下,有人擺左十幾袋椰子係度賣,仲有隻狗仔好可愛,死都要由兩袋椰子中間穿過去,仲係度慘叫,佢主人見我影佢係度笑,最後仲幫佢羅開袋椰子,哈
睇完就諗住搭車去下一度,點知行過對面原來有個生果市場(不過唔係批發而係零售),好多生果,岩岩見有菠蘿,好香,再前少少有西瓜木瓜大樹菠蘿等等,仲見到好多人好忙咁用手推車運生果(收鋪頭錢幫忙運生果),另又有用生果制酸果既地方,真係好忙好熱鬧,睇多陣就坐車去另一度,因行番出去都有距離,所以就揀左坐tuktuk,睇價錢50-60T度,開價都差唔多啦,諗住坐tuktuk去到先去近d既Phaya Thai BTS station坐多幾個站去Victory Monument搵車去美功市場(Maeklong
Market),但因示威封路關係,係BTS前幾個街口落,咁岩就行左入去示威區個入口了
因日頭既關係,人唔算太多,閘口有少少人把守,入去有人要check袋,我可能係細袋同遊客feel,無check我,咁岩到示威區當然睇下有無shutdownBKK既t-shirt賣啦,第一檔已有件黑色幾靚既,不過得大碼唔岩我,再行前d都有好多t-shirt,不過唔靚,仲有野食,泰國國旗色整既小裝飾品(好似手繩口哨等等)感覺似係賣野既市集一樣,入面既人唔算太激動,反而有種好nice既感覺,前少少有幾十個營有人訓緊覺,有人整緊示威既東西,再前少少就係演講台,因時間尚早無咩人係台前不過有人係度揮緊支大國旗,幾有氣勢,至於好似我一樣既遊人,都係行下睇衫買下野食影下相咁,眼見多數係當地人,有少數西人,聽落呢就無香港人同國語人,行左2-3個圈搵唔到岩心水既t-shirt,去多次第一檔再睇竟然搵到件中碼,太好了,衫只賣100T(=23hk),好平
買完就去搭BTS到Victory,可惜搵車搵左我大半個鐘,仲要搵巴士站長幫我寫泰文先搵到(之前忘記左寫低美功個泰文,真失敗),原來一出BTS直行盡頭再落樓梯係天橋底先有車,好彩時間仲可以,搭左12點4既車,價錢70T,大約半個鐘就到左美功站,睇睇時間已經過左一點九班車,下班要2點半,不過既然到左,去睇下街市先啦,點知原來一點九班車遲到,我2點去到岩岩好有火車聲,企好位置等火車拍movie,點知部機錄錄下停左,吹脹
睇到d人開檔收檔手法純熟,而且有d檔口有轆方便拉前拉後,火車呢真係好近,而當車過後唔用2min就還原本來樣貌,雖然youtube睇過不過現場睇都幾有趣,而且遮太陽既簷篷好矮,行時要低頭,係另一種有趣景象,哈
人可能因bkk問題比想像中少遊客,睇完火車行過左車站睇睇影左幾張火車相就行下街市,不過都無咩特別,因天氣太熱食左個雪榚周圍行下買埋車票無耐就走人了
[25/01/14 to 10/02/14]
Photo Link
<<<<<<<<<<<<<<<<
No comments:
Post a Comment