16 May 2016

泰北,寮國 2014-01-25to02-10 – Day.10(03Feb14)



係車訓醒時已經5,gps位置差唔多到龍坡邦(Luang Prabang),果然係9個鐘車程,見時間岩岩好,就去睇和尚佈施化緣,5點半等到6點先見,位置係十萬寺附近既Sakkaarin Rd,越晏就越多人出現,一見排長長隊既和尚佈施出現,d人就開晒閃光燈咁影,真係唔多禮貌,而且見有好多大陸人係度,周圍都講緊國語,外國人反而唔算太多,總之周圍就好嘈,muang long一個鄉下地方黎到LPB依個遊客區感覺好唔同真係有d 唔慣,睇左陣影左陣相因太凍頂唔順,就係附近搵左間茶檔飲下熱茶,天光後再睇清楚少少個佈施化緣程序同埋d人係街所放既器具後就行去我要入住既LPB backpacker

但因太早(未夠8)無得入房,counter話要1點先有可check in,就咁睇過附近既GH,全部掛晒full,所以都係住番依間算,雖然未入得房但可以比我係行李房訓陣,見有人真係搵唔到房,行李房既地席位都照要,我呢,就隊左對鞋出去曬太陽後就都係度訓番陣先

訓到十點幾先出去,見對鞋仲未乾,就由佢曬住太陽先,著住拖鞋出去食早餐,睇番d料可以去維祟寺(Wat Visounnarth)附近既Saburo,都係由早食到黑既寮國米粉湯,不過依度湯底唔錯而且好平,我要無菜跟既只要8000仲平過鄉下地方既米粉(有菜既同一價錢)


食完順手去左睇維祟寺(Wat Visounnarth),真係好舊,個頂同埋d窗同柱比較特別,好似柬埔寨一間廟d窗都係咁,之後再去左巴排寺(Wat Pa Phay),睇果時一個人都無,雖然外牆整緊但d 柱好靚,而入面既壁畫都唔錯,天花都畫埋,幾好,最後先去相通寺(Wat Xieng Thong),主殿建築好特別好典雅咁,之前未見過,而入面反而睇左巴排寺後感到雷同,而且好似無咁細緻,而出名既生命之樹,可能無人講解,真係唔多識睇

睇完就行經Sisavangvong Road同法國街,d樓好舊,而且好似外國feel,而未到法國街前既一堆樓,全部感覺好高貴,d villa,hotel,其他就係酒吧餐廳等等貴東西,因太熱飲左杯凍咖啡,不過味道太甜,之後行去郵局買郵票,睇下後日去旺陽(Vang Vieng)既巴士時間班次,原來有早有晏,6個鐘,研究大概後等過埋聽日再算,廟行晒去埋睇關西瀑布(Kuang Si Waterfall)local tour info,Manifa Travel1day tour,雖然開初唔想去Pak On Cave,不過就想坐船,見佢上晝去cavewhisky village下晝去瀑布最後去睇埋熊同赫蒙族(曲族分支Hmong),包埋lunch都係200,000kip(=hk190),可接受啦,之前check過包tuktuk去瀑布都要百五k,所以依個價錢算ok

攪掂後番GH,Dorm而且係mix仲要比上格床我真煩,不過都係7us算係咁啦,仲要唔知LPB咩事全部眼見既都貼晒full字出黎,聽個日本人講佢琴日都搵左好耐先搵到依間GH,仲要同人share房先有得住,真旺,好彩我之前book 定先者,原來laso係農曆年都係peak,不過依間GH算係咁,唔係可能要比好貴既酒店房先有得住

Check in完放好野見對鞋已乾就著佢出去行普西山(Phousi),原來都有成三百級,未夠5點上到去已經好多人,不過個主景唔錯,等左陣就日落,好多人而且地方唔大真係有d ,不過日落黎講同柬埔寨同bagan比都係一般般,而依度日落主要影顏色,見唔晒成個太陽日落就走了

行番落山已經好多檔口setup,賣既野色彩奔紛,我買左t-shirt(25k)同一個布袋(30k),見未夠7點去行下Dara Market,原來夜晚唔開,再行去food market,依度出名既街市buffet果然熱鬧,100k任食仲要有好多款,怪不知d人咁興奮,買左木瓜沙津(10k即整而且可即場比你試個辣度)寮式春捲(10k)椰汁糯米粿(5k),,之前行過一個pancake檔見好多當地人買,應該唔錯,試落真係好食(有煉奶有海鮮有肉鬆都係10k,食完已經好飽,但無晒水,所以又買左果汁,放晒不同水果係杯度,睇岩就倒落攪拌器度即整,味道還可,食完行番GH,途中經過岩岩有人結婚,著傳統服裝,睇左陣就走了,番到去無咩做,d訓明天出去睇morning market後先去join0830架車去瀑布

To Day.11 - LPB


[25/01/14 to 10/02/14]
Photo Link <<<<<<<<<<<<<<<<

No comments: