見時間已經係6點半,睇過日出時間係5點11,之前上過hilltop睇日落無咩收獲,位置似乎唔多好,所以見有時間就上去睇下日出啦,上山時見有狗,不過唔算多,行埋少少就唔太惡無咩點吠我,上到去開始日出,不過好凍,岩岩日出就有一大片霧氣,但依個山頂都係睇唔到日出,影左陣相差唔多7點就番落山了
番到GH執好晒d野check out走人,但之後發覺唔見左張sim card,因唔記得所有電話所以會好麻煩,只好番房搵左好耐,再問GH姨姨指手劃腳睇下執房時見唔見,佢帶我去洗床單既阿姨度問,都係搵唔到,所以打定輸數,襯依度買電話card平,走前買多兩張留用,去到巴士站岩岩8點,點知賣票阿姐隊左個電話比我,心知不妙果然係full bus,最衰係張sim card,講左一輪可以坐muang sing車再係果度轉車(一個鐘一班車)番瑯南塔(Luang Namtha),不過最後阿姐叫我上埋車,不過真係好迫,一架貨van後排坐左4個大人2個細路,我只坐得半個pat pat位,坐左成個幾鐘,有人落車先可以鬆番少少,之後都係4個鐘就留到瑯南塔
巴士站非常曬,首先行番去town買下一站龍坡邦(Luang
Prabang)既車票,見有overnight 8點車,睇睇時間仲有半日係瑯南塔,非常好,不過價錢有d 貴,連tuktuk到terminal要150,000k(=143hk),不過叫慳左日GH錢,另問埋賣票個人係第踏單車去Nam
Dee waterfall要幾耐,佢話只要1個鐘就到,good
放低行李係ticket center就去搵野食,要食快既就三文治啦,襯有時間打電話番家,原來我fd無幫我call細佬(我連細佬既電話加email都唔記得),講番行蹤原來屋企搵左我幾日,不過佢地打去我hotel知道我cancel左下一目的地既booking,就知我唔係失蹤啦,交代左幫手買機票既野(因出發前曼谷黑色旅遊警告,所以我cancel左回程機票,如果情況太壞我會係泰北番香港)
食完就去單車站租單車,15000(9.6hk)for mountain bike,不過真係唔係好識轉波,開頭係馬路,之後係泥路,沿途風景一般,而且泥路好多碎石非常登,好彩只有4公里,最後搵到入Nam Dee waterfall既路牌,再踏入去就見有河邊,有個阿婆係度曬紙,之前睇過依度係班納迪村(Ban
Nam Di),每件12月至3月期間會有Lanten族女士係度用傳統方法做紙,放低架車走落去河邊睇,用樹根同一d汁液整,之後放上架曬就完成,紙質較粗但非常有質感,想買張支持下依類傳統手工業但溝通左好耐都唔知幾錢,算了
上番車再入waterfall,河下面有小朋友玩緊水,當中有條木橋因用木枝而整,所以大小不一而且凹凸不平,就係咁當我踏過去時就唔小心連人帶車跌左落河了,好彩d水好淺,而且身上既野唔算太濕,但我就半身濕晒,對鞋當然都濕埋,隻腳好似拉親少少不過唔算嚴重,賣票個人仲走出黎問我有無事,係河邊既小朋友就比我跌落河時嚇親,我笑笑口咁一路除鞋除襪,羅番架車赤腳入去ticket counter,交低110000(入場100000+單車10000)就入waterfall睇,雖然大太陽不過我都知對鞋實乾唔切,到時先算
赤腳加條褲滴住水咁行入去waterfall,睇過泰北茵它儂既瀑布,依個Nam
Dee waterfall真係唔算咩,玩左陣水行番出去,同賣票既人傾左陣計就走人了,濕住腳咁踏車番LNT town,對腳唔覺有咩事但去到有d上斜位就落車推,唔想再抄落沙石地整損隻腳,番到town5點左右
搵左其中一間之前mark低左叫Minority Restaurant,叫左杯ice
coffee,其他呢就問咩都no,所以由佢先等耐鐘食dinner先再order,休息下6點左右就叫左依度出名既bamboo
soup同飯,等左好耐都未見有得食,因依度只有一個o靚妹係度,佢做晒落order招呼客人同入去煮野既工作,睇落佢都唔知要攪到幾點,忍唔住同佢講我要搭7點車,佢又no,我問佢煮緊既係咪我既,佢話係,咁都好d,最後要6點8先有得比我食,個bamboo soup係切成一條條既野加少少肉係度,不過酸酸地用黎送飯都唔錯
食左好快既dinner就番ticket center羅番d
行李同換番隻衫準備搭overnight bus去龍坡邦,知係咪之前係餐廳hea,坐得太耐隻腳有少少痛,擦左少少藥膏好快就上tuktuk去巴士站,用張單轉過bus ticket後就差唔多上車,因要坐9個鐘,所以都係係巴士站去定廁所先,好快就上得車
原來架車係清邁開過黎,放好背囊上車,架車入面有廁所又有毛毯咁,算係我係老撾坐過最靚既車,坐左係後排比較少人既地方,隻腳又開始痛,因怕會腳腫所以朗起隻腳,因無野好做諗下點解食完飯先痛,dinner只食左bamboo soup同飯,諗諗下bamboo咪即係竹筍,Oh No!怪不知嚴重左咁多啦,好彩旁邊無人,我就坐晒兩個位,但因要朗高隻腳黎訓,所以姿勢非常麻煩,最後去到3點幾要去廁所,不過車入面既廁所已經比人整烏糟哂,有人頂唔順無去,不過我可以啦,只要架車唔好轉太多彎就得了,出到去原來有人嗌停車,佢地就地解決,而我又再訓多次啦,overnight
bus就係咁斷斷續續咁訓了
To Day.10 - LPB
[25/01/14 to 10/02/14]
Photo Link
<<<<<<<<<<<<<<<<
No comments:
Post a Comment