17 May 2016

泰北,寮國 2014-01-25to02-10 – Day.11(04Feb14)



因瀑布pickup時間8點半,所以又一早出去睇market,0530起身,今次睇traditional market(Phosy market),距離GH要行半個鐘,去到果然非常傳統,有室外有室內,其實非常大,因去到時未天光,所以環境比較黑,有時見佢地要用電筒處理貨物,而室內既肉檔非常忙碌地切肉,仲見到豬紅同綠色既東西,應該係牛腸入面提煉既野(好似叫牛屎醬),估計要黎煮送既調味料,仲有好多一pack pack既麵包餅乾等等,全部用繩吊住,幾過癮

行完晒去食粥,有豬紅有少少肉,幾好味道,出番街市外仍然好熱鬧,都幾多野賣,小販同市民都好忙碌下,睇到咁上下就走人了

行完大約7點半,又原路行番GH,有個比較簡陋既露天市場,買左少少羅望子(tamarind)同柑就走了,番到GH嗌早餐時已經8,因之前一晚已執好野,所以好快ready,但早餐就非常多人,等左半個鐘先有得食,快食完就等車黎,卒之等到9點先到,原來我係最後一個,怪不知咁耐先到

centerpakou caves要成個鐘,先到一個沙灘,再行去搭船,對面岸就係了,我地坐既木船比較窄,比清萊金三角既細隻同簡陋,都坐左幾多人,如果側埋一邊就會反船,好彩我坐既全部係外國人,而大陸人同2個泰國人就坐另一隻,我估佢地會較激動,所以可能有危險,都係同外國人坐感覺安全少少,
不過路程唔遠還ok

講番景,d山型都幾靚,而河都係果條湄公河啦應該,去到對岸係竹搭既台,要小心行,再上就係石樓梯,上到第一個caveTham Ting,有一堆佛像一般般,反而透過石窟望番出河同船同d山個景較靚,影左陣相就離開,行左一條算係較長既樓梯,就去到另一個cave(Tham Phum)既入口,木造既雕刻幾古舊,入面好黑,有幾堆佛像,d像都幾靚,睇完就坐番船離開去食野了

大約廿分鐘車程去到食飯既地方,有幾隻象係度,原來就係依度可以食飯同騎象(行程有寫要另比錢不過可以選擇唔坐),本身想坐既就走左去騎象,唔去既就去食飯,只係一般炒飯加雞肉,而環境清靜,旁邊有兩張木登,可較高低非常舒服,真係睇佢唔出木登都可以咁舒服

食完飯就羅左朝早經過露天街市買既生果食,雖然食羅望子食到成手都係,但酸酸地真好食,之後就開始睇下書咁,幾咁柔閒,跟手等埋騎象番黎既人食埋飯,就見到d 象食野,佢地係食蔗既,咬到什什聲,又見佢地用象鼻羅水飲同噴身,幾過癮

之後就去左十分鐘唔既whisky village(sang hai village)睇野,聽講依度係整handmade whisky(lao lao)係供應比night market,不過製酒多數係夜晚,所以睇唔到佢地點整,但就介紹左佢地整酒既工具,相當簡陋同原始,見到有d whisky50,我之前係muang long飲過都幾好味,唔太涸喉,所以今次就試左16度米酒,好飲.不過當然試飲完就算,其他人都有買不過我怕羅所以無咁做

睇完就去最後一站亦即係重點地方關西瀑布(Kuang Si Waterfall),不過要去番市中心放低部份唔去既人再出發,去到瀑布大約3點左右,陽光岩岩好,依度真係好靚,有人游水,好開心咁,再高d既仲有人跳水添,d淺水d既地方可以行,不過好滑,係瀑布一直上,去到上游都幾大水,如果雨季應該好勁

,入口時經過Bear Rescure Centre,睇左陣熊(好健康下)又買左件T,60000kip(=hk57),不過幫熊既就ok,睇完不知不覺已兩個鐘,行番去搵司機,之後番town

去左法國街買車票,最後揀左10:00mini van,130000kip(=hk123),6個鐘先到旺陽(Vang Vieng),去到都係4,仲可以睇日落,ok

買完車票就去搵食,唔知食咩好所以又去左night market,先食左個寮式潛艇堡,唔錯,之後就行左去買燒雀同燒雞番去GH,因第二日係住private room,所以羅行李上2,房唔算靚不過還可,見時間唔早,就去攪番香港既票先(之前book左曼谷走但因黑色旅遊警告,出發前cancel,差唔多完個旅行見局勢唔太差,所以都係飛曼谷走,要打去airlinerefundrebook ticket,因太多人要改機票,好難先搵到人fix),攪好再食野時d野都凍晒,同埋d燒雞好硬d雀又有少少怪味,食左一隻就唔食了,都係雞翼好食d,ed野加加埋埋都要30k(=hk28),佢地好多野郁下都10k,其實都唔平,旅遊區就係咁了,食完太眼訓就訓了,第二朝再睇market先坐車到VV,就係咁了

To Day.12 - LPB,VV


[25/01/14 to 10/02/14]

Photo Link <<<<<<<<<<<<<<<<

No comments: