泰北,寮國 2014-01-25to02-10 – Day.12(05Feb14)

泰北,寮國

05Feb14 Tue LPB, VV Sunny Day

由LPB坐minivan去旺陽,9點半pickup,所以又有時間去睇market,6點出門口,經過Sakkaarin Rd又見佈施化緣,6點3左右已經少左好多睇化緣既遊客,無停留就繼續行,之前已知道Phong Savanh Market無咩特別,不過見有時間就去埋啦

Phong Savnh位置係LPB既另一邊,要過橋先到,一路行接近橋位就咁岩見到有人坐係度等和尚化緣,原來依度都有,仲要比較sakkaarin遲,差唔多6點半先見有monk到,可能依邊無咩遊客,佈施既善眾唔係遊客而係當地居民,而和尚就有時間同方便d可以頌經,當頌經又有多狗係旁邊,整個感覺比之前人山人海閃光燈閃來閃去既場面和諧舒服得多

睇完行前就到橋,可行車行人都幾長下,而且感覺古舊,我行時都驚佢d木會爛,要捉住欄杆同盡量踩佢打橫既木條行,真係唔知邊條會唔穩陣,過左對岸就去搵market,果然比之前睇既local market細,而且比較冷清,無咩影就睇下檔口既擺設,原來每檔都有神位,有花有神位仲有個尖尖地既竹籃,大致差唔多但又有少少唔同,睇完就番對面岸

時間只係7點3左右,天已全光人唔算太多,經過普西山下面d街,有d 和尚係度掃地又無咩人咁,好舒服,行多20分鐘度去到Dara Market,之前經過幾次都唔岩時間,今次去好似又太早,無咩檔口開,不過感覺非常遊客既market,無咩睇就早d番GH算,可以食埋佢個早餐,但係Dara門口見有檔車仔賣sandwich,好似好好生意d包差唔多賣晒,見咁多當地人應該都唔會難食得去邊,佢地賣既都係傳統sandwich(即寮式潛艇堡),襯仲有得賣就要左個(10000kip=hk9.5),d包仲係熱的,都真係幾好食,不過就切得有大有細,唔似得其他果d全部差唔多size,哈

食完再行經過一間小學,門口有檔燒年榚咁上下既東西,又圍左班小學生係度,我又試下買,5000kip有2舊,煙煙un un咁加左辣醬又幾好味,最後番到GH,因想飲下咖啡,所以又叫左個早餐,不過只要左雙蛋加咖啡就算了,嗌完上房執野再落樓下pack,食完野仲有時間上網check下曼谷d資料睇下酒店咁(本來唔會住BKK,不過改左機票後留多左日,所以要搵GH)

等到9點8都未有車就問GH d人依度d pickup車係咪都係成日遲,佢話係成日遲同車程只要7min所以唔洗擔心,不過我都打左去bus office問佢話黎緊,卒之10min左右就到去到車站岩岩好10點,minivan已到而且開始上人,又係full而且minivan真係坐得辛苦,不過出發時間好d就算了,而且真係比去MuangLong既新同乾淨,亦無咩當地人坐,LPB已經無咩想做而且想睇旺陽日落同埋日頭由依度去既山路(聽講幾靚,所以依round無book night bus),原來minivan都有廁所位,仲有中途停低食lunch,不過我有之前買落既包,可以慳番,不過就可以飲多少少水唔洗煩去廁所既問題,真係同純當地人既巴士唔同,服務算係好d

去到差唔多到vv(旺陽)時d山形好奇特,可惜有d朦睇唔清,但見到好多學生放學,好熱鬧,入到VV每個客人送去酒店(有d無訂位就見環境再問價),去到我訂既GH(Mountain Riverview Guesthouse)老闆娘攪左一輪先比到房我,仲要2/f3/f無晒房,望山有冷氣既得番地下,而且個view好一般,叫佢帶我上1/f(無冷氣),但個view好好多,所以就要左1/f房,段尾問walk in幾錢,佢話80-120kip,我agoda訂要180kip(=hk170),果真walk in平好多不過就煩搵房唔似得我放低行李就走得

出到去岩岩好日落,房都睇到成個山不過日落位岩岩睇唔到,出到去好近既橋個位幾靚,影左陣就去搵地方唱錢,價錢無LPB咁高,最多只有7900kip,不過算啦都係唱左100us,之後周圍行下,同LPB既繁忙好唔同,依度好遊客感,而且好多無咩著衫既西人係度行黎行去,仲有d揹住水泡係度行,應該係岩岩玩完tubing既,因唔想食西野行左去食米粉湯(都真係成日食),食完就番GH,仲買左少少零食諗住hea下不過睇睇下相已經想訓,算了,明天先寫旅行日記好了

To Day.13a - VV

[25/01/14 to 10/02/14]

Photo Link <<<<<<<<<<<<<<<<