一早5點半就出門口行去附近既local market睇孟浪頗有特色既morning
market,由山上既Akha族揹農作物落市場賣,去到見到有個大火堆,除左係取暖外亦可以話係黑夜中既路標,好易咁就已經見到市場既位置
去到門口位置,市場大門未開但已經有幾檔隨地而擺做緊買賣,多數係賣菜賣果實,有人揹野途步黎到有人手查電單車,亦有d係賣比擺地灘既人,有d唔夠人買得快既又會有少少爭拗咁,因未天光賣既關係,多數人用電筒照,有d似旺角既天光墟,幾有趣
差唔多6點開門,d人又一輪跑住咁入市場霸位灘開晒d野黎賣, 用電筒周圍照下睇下,原來都有幾十檔人,之後有d賣野食既黎左,就見佢地開始整預備賣既野食,我就買左甜甜地既椰絲糖,Laos d野食唔太甜,都幾好味,出少少賣炸香蕉既就見佢岩岩炸緊,仲有d整緊既肉係之後行山都會食既用荷葉包到三角型既唔知咩肉,仲有其他賣魚賣紫菜既,睇多左陣就走人了
個天開始光,未夠鐘行山,近近地番左GH訓多陣先,夠8點半再起身,執好野去市場食早餐,今次係食另一檔,雖然d野基本上都係湯粉,不過料係有少少唔同既
食完行去tourist
ctr,等左陣guide就到左,飲左咖啡講解行山路線同埋指左我地要行既山頭係邊就出發了,參加既係一日tour,先用電單車車到附近村落,係孟浪最多人口既Akha,原來Akha都有三個,依個係Akha
Phou people,聽guide講佢地原居於中國,後來搬左過黎老撾,應該都講緊3-4代前咁耐,印象中泰北同緬甸宦都有Akha,原來佢地係移居既,本來依個村無咁多人,不過後尾政府安排山上散居既人陸陸續續搬黎依個村,由2003年開始,加下已經有過百間屋住左7百幾人
睇左陣當地人同小屋,行左去一個小山仔,見到有個竹做既三角型大架,同尼泊爾山腳附近既差唔多,下面可以比小朋友打千秋,旁邊有棵樹,上面有個三角型既野,原來依兩個擺設係Ahka既地方咁解,guide話舊時無咁近市中心,就會有男女係依度約會,如果岩心水既就會即時係依度make love,之後番家一齊住,不過加下已經好少依個傳統了
依度村民多數係種蕉樹,記起入孟浪時見到有藍膠袋包住既蕉樹田,問起原來係想d蕉靚d先咁做,但其實除左藍膠袋,入面仲有兩層,分別係薄布/紙同薄發寶膠袋咁,成個山都係而且無得重用,都幾唔環保,後尾聽原來係中國人既投資同idea,整到依度將快到來既生態災難,真過份,仲有其他種米,庶糖等等,算多農作物,不過之後d種蕉垃圾唔知會攪到依度變咩樣,唉
睇完再介紹下Ahka傳統既屋,多數係用竹同木而整,比較簡單但算大,旁邊有小屋,原來如果有仔,到15-6歲時就會起間小屋係隔離住,可能太迫同大個仔唔方便同屋企住掛,問過依度既屋大約幾錢一間,原來大約6百幾萬kip(即5-6千港幣),再行時guide同我講明天係tourist ctr既周年記念,仲有個德國義工過黎幫手,另有個trainee會離開,所以有個party舉行,佢話係laso picnic,而且同日仲有村同村之間既比賽,係玩推石,陀螺等等,後日仲有傣仂族(Tai
Lue)一年一度既慶典,儀式好特別,想叫我留低睇,佢講既野太吸引,攪到我1516想stay多2日,問過依個活動多數係1-2月做,有4-5日左右,真係要考慮下好無留低
出村口時見到二個好特別既門,有唔同裝飾,原來一年就有一座,不過有d係一條木條有d就係起個成個門咁起有埋大少少既裝飾,上面有刀有槍有刺等等,仲有都有幾多禁忌,例如唔可以赤膊搭衫係身,唔可以就咁羅住鞋行,唔可以食住煙咁過依個門等等,依個門係用黎抵擋邪惡入侵既gate,所以經過時要莊重,不同種族有不同習俗都幾有趣
To Day.06b - Muang Long
[25/01/14 to 10/02/14]
Photo Link
<<<<<<<<<<<<<<<<
No comments:
Post a Comment