訓到8點幾起身,先到GH附近既market食早餐,出門口時見成地炮仗衣,仲有d一盒盒既炮仗係度,琴晚真熱鬧,去到食野既地方,有隻貓係度,懶洋洋咁加埋d光,幾咁relax,之後呢,又要去唱錢了(US100again),今次去左另一間,感覺上比較專業,而且要填form又要記低passport咁,仲有d人既英文亦好d,唱完錢就行去球場睇比賽(附近四條村入面既三村攪比賽),位置係街一直行到尾,落少少就係了
未夠9點去到已經好多人係度,有d傾緊計有d擺緊檔有d setup緊個場地,攪左一輪女士既推石首先開始(前一日係Tai Lue睇過佢地既練習,有用手或腳等等去撞石,彈到另一粒既就得分啦),開始左比賽就好熱鬧,有三人比賽,代表三條村,旁邊既人睇得好開心
之後去左睇男士玩陀螺,先由2個人用繩轉郁個陀螺,再有兩個人係遠少少既再出另外既陀螺撞開佢地,將轉緊既陀螺撞離地下個圓圈就嬴,比賽好似幾緊湊咁,再睇另一邊玩竹球,四人對實用腳或頭打過對方場地,接唔到既就輸,睇左陣又食下野飲下野咁就走人了,大約係度留到11點半就走人了,天氣真熱
差唔多時間去join party了,見到tourist
office既人,車我去場地前先要行去佢家join埋佢fd,再車埋德國義工一齊出發,等緊既時候見佢爸係度,雖然語言溝通唔到但手勢搭救,請左佢食係球場買既果實(羅望子Tamarind),酸酸甜甜幾好食,office既fd到左後就開車去場地,開緊去場地途中又撞到另外一d朋友,有個仲帶住隻田鼠,用條繩縛住,因之前見過都係縛住既狗就問依隻野係要黎食定係點,原來係寵物來的,我摸左佢幾下佢好惡仲想咬人咁款,哈,玩左陣就走人了
幾分鐘後就到左目的地,似係教育中心既地方,成班人係度羅水同等多少少人先一齊入去,等時係度玩下搖板咁,幾開心下,行入少少好多草同林,入到去見到佢地用刀開緊林,有d就煮緊野食,有燒肉燒魚燒腸,有整緊papaya salad,試過味唔覺太辣都幾好食,難怪佢地話依個係laos出名既食物,仲有一d鴨肉加d鮮鴨血一齊整既,之前未見過但血淋淋咁德國人話唔舒服所以唔食
行出少少睇,我地食野既地方就係河邊(Nam Long River)水流好大,有幾箱laos beer放左入河用河水雪住,摸過都幾凍下,同時間除左整野食就另有人鋪緊蕉葉做台陣間要黎食野既準備,仲有d搬緊石頭或用蕉樹幹做椅咁,無幾耐就開始食得了
有個係用菜加自己包既野食,入面夾米粉,魚肉,蔥/芫茜, 仲有醬汁既菜包,幾好食,德國人話依個係laos spring roll喎,我就試下佢血淋淋既鴨血燒鴨肉,完全無血腥味,都唔錯,仲有燒河魚等等,laos d野都幾好食
十幾人圍住一齊食野,都幾開心,除左食野當然走唔甩要飲下laos
beer同homemade whiskey啦,飲左幾round就上少少去左睇d男人玩鐵球,之前行村時見有人係家門口玩緊,好似保齡球既玩法,不過唔係碌而係拋,最接近中間個細球就算嬴,輸左即飲一杯啤酒,佢地玩左幾round後就我同德國人都一齊玩下咁,有嬴有輸,所以我又飲多左幾杯,最後太暈我就走人番落下面少少同班女人一齊,見有席係度就訓下,不過飲多左又近河邊好死凍,佢地見我凍就比左2件衫我,暖番d
就好快訓著,訓左陣約4點就執野走人了
電單車好大風,不過日落好靚,番到GH就再訓多陣去到9點先起身,因有面包食所以dinner唔怕d鋪關晒無野食,沖完涼睇下相咁食左少少野就訓了,因怕之前係河邊凍親所以食左粒感冒藥先訓,旅行病就慘了,不過攪攪下都成12點幾先訓,今晚既炮仗聲比前一晚少,而且唔見煙花,嗯
[25/01/14 to 10/02/14]
Photo Link
<<<<<<<<<<<<<<<<
No comments:
Post a Comment